Sonstraal Tehuis bied ‘n rustige en huislike atmosfeer vir die inwoners.

‘n Dagprogram vol aktiwiteite besorg aan hulle vele pret, plesier en baie

stimulasie.

Grof- en fynmotoriese aktiwiteite en tema-gerigte onderwerpe word

aangebied.  Weeklikse perdry- en swemaktiwiteite word in die program ingeruim en die inwoners word gereeld op uitstappies geneem.

 

Geestelike versorging van die inwoners is vir ons baie belangring en daarom

word hul dag geopen en afgesluit met huisgodsdiens.  Die inwoners word op ‘n weeklikse basis blootgestel aan addisionele kinderbedieninge.

 

Op kulturele vlak geniet die inwoners hul weeklikse sang met kitaarbegeleiding en dit verskaf aan hulle baie plesier.

 

Die herwinning van bier/koeldrankblikkies op die perseel bied aan sommige inwoners die geleentheid om vaardighede te ontwikkel en laat voel hulle verantwoordelik en menswaardig.

 

Sonstraal Tehuis spog met inwoners wat baie ‘besig’ en baie gelukkig is.